Ushtarët u plagosën me snajper

Akti i largimit të barrikadave në veri ka qenë për të përmirësuar lirinë e lëvizjes për të gjithë.

Kështu ka deklaruar zëdhënësi i KFOR-it, Uve Novicki, i cili ka thënë se plagosja e dy ushtarëve u bë për shkak të qitjes me snajper nga një pikë.

Ai tha se njëri është trajtuar në Bondstill, cili është liruar pas trajtimit.

“Ne e dënojmë këtë akt të dhunës. Do ta theksoj edhe një herë, ata janë goditur nga snajperët dhe ne kemi reaguar dhe e kemi ç’aktivizuar këtë pikë dhe nuk mund të gjuhet më”, ka thënë Novicki, në një intervistë për RTK-në.

Ai tha se sot kanë bërë një hap të madh, pasi këto kanë qenë dy barrikadat e fundit që kanë penguar lirinë e lëvizjes.

“KFOR-i është për sigurimin e mjedisit dhe për ta bërë të sigurt, dhe ne do ta bëjmë këtë”, ka thënë ai.

Me tutje ai u shpreh se nëse sulmohen nga cili do grup, ata do të mbrohen.
 

++++++++++++++++

Ministria gjermane e Mbrojtjes ka konfirmuar se dy ushtarët e plagosur sot, gjatë operacionit për heqjen e njërës nga barrikadat në veri të Kosovës, janë pjesë e kontingjentit gjerman të KFOR-it, ka mësuar KosovaTimes.

Mësohet se njëri nga paqeruajtësit, i plagosur në krah gjatë aksionit për largimin e barrikadave, po trajtohet në spitalin ushtarakë të KFOR-it në Bondsteel, ndërsa tjetri me lendime në veshin e djathtë është liruar.

KFOR-i ka gjithashtu ka njoftuar se lajmet e komunikuara në disa media për plagosjen e katër ushtarëve dhe kidnapimin e një ushtari të saj janë të pavërteta.

(KosovaTimes)